Main Mudat Se Is Aas Par

Main muddat se iss aas par ji raha hoon Khuda kab bula le mujhe apne ghar mein Kabhi toh sunega duayein woh meri Main muddat se iss aas par ji raha hoon

Jo logon se sun sun ke naqshay hain kheenchy Haqeeqat mein honge manazir woh kaise Kabhi ja ke dekhun main aankhon se apni Main muddat se iss aas par ji raha hoon

Mere saamne ho woh Gumbad-e-Khizra Woh rozay ki jaali woh jannat ka gosha Kabhi choom loon ja ke khaak-e-Madinah Main muddat se iss aas par ji raha hoon

Find Your Favorite Lyrics Anytime, Anywhere - Install the App Today!

Nahi hai bharosa koi zindagi ka Usi ko khabar hai woh sab jaanta hai Bula le ga mujh ko woh marne se pehle Main muddat se iss aas par ji raha hoon

Jo jaata hai paata muradein wahan par Ke hain hum yahan par hai Kaaba wahan par Ke jalwa dikha de humein toh bula ke Main muddat se iss aas par ji raha hoon