Main Lab Kushaa Nahi Hun

Main lab-kusha nahi hoon par baat kar raha hoon Main mehfil-e-Haram ke aadab jaanta hoon

Yeh roshni se kya hai khushbu kahan se aayi Shayad main chalte chalte rozay tak aa gaya hoon

Phoolon ki tarah meri saansein mehak rahi hain Aur aansuon ke moti main nazar kar raha hoon

Jo kuch bhi maangna hai us dar se jaake maango Woh dar bohat bada hai jis dar ka main gada hoon

Koi toh aankh wala guzre ga us taraf se Taiba ke raaste mein main muntazir khada hoon

Offline Lyrics Anytime, Anywhere - Download the App Today!

Iqbal mujh ko ab bhi mehsoos ho raha hai Ke rozay ke saamne hoon aur naat parh raha hoon