Main Jo Yun Madine Jata

Main jo yun Madine jaata toh kuch aur baat hoti Kabhi laut kar na aata toh kuch aur baat hoti

Download Lyrics & Access Offline - Install Our App Now!

Main Madine toh gaya tha yeh bada sharaf tha lekin Wahin dam jo toot jaata toh kuch aur baat hoti

Gham-e-rozgar mein toh mere ashk beh rahe hain Tera gham agar rulata toh kuch aur baat hoti

Na fazool kaash! hansta teri yaad mein tadapta Mujhe chain hi na aata toh kuch aur baat hoti

Yehi aah! fikr-e-duniya mera dil jala rahi hai Gham-e-hijr gar satata toh kuch aur baat hoti

Yahan qabr mein karam se teri deed mujh ko hogi Jo Baqi-e-Pak paata toh kuch aur baat hoti

Bazaban-e-zaireen toh main salam bhejta hoon Kabhi khud salam laata toh kuch aur baat hoti

Are zaire-e-Madinah! tu khushi se hans raha hai Dil-e-ghamzada jo laata toh kuch aur baat hoti

Meri aankh jab bhi khulti teri rehmaton se Aaqa Tujhe saamne hi paata toh kuch aur baat hoti

Tu Madinah chhod aaya tujhe kya hua tha Attar Wahin ghar agar basata toh kuch aur baat hoti