Main Jo Yun Madine Jata

میں جو یُوں مدینے جاتا تو کچھ اور بات ہوتی کبھی لَوٹ کر نہ آتا تو کچھ اور بات ہوتی

Instant Access to Thousands of Lyrics - Tap to Install!

میں مدینے تو گیا تھا یہ بڑا شَرَف تھا لیکن وَہیں دم جو ٹوٹ جاتا تو کچھ اور بات ہوتی

غمِ روزگارمیں تو مرے اَشک بہ رہے ہیں تِرا غم اگر رُلاتا تو کچھ اور بات ہوتی

نہ فُضول کاش! ہنستا تری یاد میں تڑپتا مجھے چَین ہی نہ آتا تو کچھ اور بات ہوتی

یِہی آہ! فکرِ دنیا مِرا دل جَلا رہی ہے غمِ ہِجر گر ستاتا تو کچھ اور بات ہوتی

یہاں قبر میں کرم سے تری دید مجھ کو ہوگی جو بقیعِ پاک پاتا تو کچھ اور بات ہوتی

بَزَبانِ زائِریں تو میں سلام بھیجتا ہوں کبھی خود سلام لاتا تو کچھ اور بات ہوتی

ارے زائرِ مدینہ !تُو خوشی سے ہنس رہا ہے دلِ غمزدہ جو لاتا تو کچھ اور بات ہوتی

مِری آنکھ جب بھی کھلتی تِری رَحمتوں سے آقا تجھے سامنے ہی پاتا تو کچھ اور بات ہوتی

تُو مدینہ چھوڑ آیا تجھے کیا ہوا تھا عطارؔ وَہیں گھر اگر بساتا تو کچھ اور بات ہوتی