Main Behak Sakun Yeh Majal Kiya Mera Rehnuma Koi Aur Hai

Main behk sakoon yeh majaal kya mera rahnuma koi aur hai Mujhe khoob jaan lain manzilein yeh shikasta paakoi aur hai

Jo tumhari jaali se mutasil hai satoon ke peeche khajal khajal Nahi main nahi woh mareez dil na mere siwa koi aur hai

Meri iltija hai yeh dosto kabhi tum jo soye haram chalo To bana ke sar ko qadam chalo keh yeh rastah koi aur hai

Hai tujhe khabar Shah-e-an wa aan meri wajah rahat-e qalb-o jaan Na tere siwa koi aur tha na tere siwa koi aur hai

Never Be Without Your Favorite Lyrics - Get the App for Offline Access!

Yeh gumaan tha kai saal se yeh yaqeeni hai kai rooz se Mere dil se gunbad-e sabz ka yeh muamla koi aur hai

Woh Habib Rabb-e Kareem hai woh Rauf hai woh Raheem hai Inhein fikr hai meri aap ki inhein chahta koi aur hai

Main jo door arz-e-Haram se tha hui khuld-e gosh haseen sada Hai isi mein Majid-e-be-nawa keh yeh qafila koi aur hai