Madine Dil o Rooh

مدینےدل و روح و جاں لےے کے جاؤں محبت کا سارا جہاں لے کے جاؤں

جو سرگرم رہتی ہے ان کی ثنا میں وہ فکرِ سخن وہ زباں لے کے جاؤں

بھلا دوں جو کاذب ہے روداد میری جو حق ہے وہی داستاں لے کے جاؤں

"محمدؐ محمدؐ "ہو، ہونٹوں پہ میرے میں ایماں کی گل کاریاں لے کے جاؤں

نہ چھوٹے کبھی یہ دیارِ مدینہ یہ حسرت سرِ آستاں لے کے جاؤں

More Lyrics, Less Storage - Install the App and Ditch the Screenshots!

جو تڑپا رہا ہے مری زندگی کو وہی دل کا دردِ نہاں لے کے جاؤں

نہیں لائق نذر بہزادؔ کچھ بھی میں کیا پیش شاہِ شہاں لے کے جاؤں