Madina Phir Madina Hai

Yahan Ka'be ka Ka'ba hai Madinah phir Madinah hai Jahan bhar se yeh achha hai Madinah phir Madinah hai

Muslim azmat-e-Bait-ul-Muqaddas rif'at-e-Ka'ba Magar afzal yeh rauzah hai Madinah phir Madinah hai

Kahan le jaate ho mujh ko Riaz-ul-Jannah par chhoro Yahi Firdaus-e-A'la hai Madinah phir Madinah hai

No More Screenshots! Save Storage with Our Lyrics App!

Sada deti hai aaghosh-e-Hateem aao idhar aao Musafir un ko kehta hai Madinah phir Madinah hai

Quba mein parh doonga tu ke farman-e-risalat hai Mukammal ek umrah hai Madinah phir Madinah hai

Suno khana badosho tum na ghabrao idhar aao Khula baab-e-Madinah hai Madinah phir Madinah hai

Yahan masail koi mayus jaaye ho nahi sakta Nabi ka aastana hai Madinah phir Madinah hai

Mere ehsas par saya fagan woh pyara rauzah hai Jo meri jaan ka hissa hai Madinah phir Madinah hai

Madinah hi Madinah kyon na ho lab pe Ujagar ke Yahan Aaqa ka rauzah hai Madinah phir Madinah hai