Madina Kitna Hai Meetha Madina Kesa Pyara Hai

Madinah kitna hai meetha Madinah kaisa hai pyara hai Haseen iska har ek zarra Madinah kaisa pyara hai

Na kyun chaahun Madine ko mere Aaqa ﷺ use chaahein Khuda ne bhi use chaaha Madinah kaisa pyara hai

Do-aalam mein haseen manzar hazaron hain magar humko Madinah hi lage pyara Madinah kaisa pyara hai

Teri jannat bhi Rizwan hai haseen-o-dilruba lekin Hamara hai yahi naara Madinah kaisa pyara hai

Tujhe khaak-e-Madinah ki qasam ya Rab! banade bas Hamein deewana-e-Taiba Madinah kaisa pyara hai

Madine ke haseen manzar khudara ab dikha deeje Bula lo na hamein Aaqa ﷺ Madinah kaisa pyara hai

Sharaf paaya Madine ne mazaar-e-Mustafa ﷺ paakar Isi mein Gumbad-e-Khizra Madinah kaisa pyara hai

No More Screenshots! Save Storage with Our Lyrics App!

Karoron dil tarapte hain Madine ke liye har dam Yahi har aankh ka tara Madinah kaisa pyara hai