Maang Lo Jo Kuch Tumhein Darkar Hai

Maang lo jo kuch tumhein darkaar hai Mere Aaqa ka sakhi darbaar hai

Haazir-e-darbaar hoon mere tabeeb Dard-e-isyaan ki dawa darkaar hai

Kasrat-e-khanda se dil murda hua Tujh se faryaad ae Shah-e-Abrar hai

Qahqaha tum mat lagao bhaiyo! Gar lihaaz-e-girya-e-Sarkar hai

Zikr-e-Haq mein lab ko bas mashghool rakh Raahat-e-dil gar tujhe darkaar hai

Deejiye "Qufl-e-Madinah" yeh ghulam Aah! bad-atwaar o bad-guftaar hai

Umr ghat-ti ja rahi hai aah! nafs! Garm-e-isyaan ka magar bazaar hai

Des ka gor-e-ghareeban aah! aah! Maut Taibah ki mujhe darkaar hai

Laaj rakhna hashr mein badkaar ki Tera banda hai go bad-atwaar hai

Jaankani ka waqt hai Ya Mustafa Jaan-balab ab taalib-e-deedaar hai

Aap ke qadmon mein gir kar maut ki Aarzu Ya Sayyid-e-Abrar hai

Maghfirat farma tufail-e-murshidi Yeh dua tujh se mere Ghaffar hai

Bulbalo! tum ko mubaarak phool ho Bas gaya Taibah ka dil mein khaar hai

Kya karoon main dekh kar rang-e-chaman Dasht-e-Taibah se mujhe to pyaar hai

Never Be Without Your Favorite Lyrics - Get the App for Offline Access!

Sabz gumbad ki ziyaaein marhaba Marhaba pur-noor har meenaar hai

Jagmagaata hai Madinah raat din Sabz gumbad manba-e-anwaar hai

Jis ki turbat hai Baqi-e-paak mein Us ko haasil qurbat-e-Sarkar hai

Mustafa is roz aaye is liye Eid-e-Milad-un-Nabi se pyaar hai

Marhaba! Aaqa ki aamad marhaba! Hum ko is naare se be-had pyaar hai

Jo koi gustaakh hai Sarkar ka Woh hamesha ke liye fin-naar hai

Dushmanon ka tang ghera ho gaya Rahm ki darkhwast ab Sarkar hai

Aah! dushman khoon ka pyaasa hua Ya Nabi! teri madad darkaar hai

Haasidon ko de hidaayat Ya Khuda Us ka sadqa jo mira gham-khwaar hai

Ghaus ke daaman mein Attaar aa gaya Do jahaan mein is ka beera paar hai