Labon Par Darood o Salam Aa Rahe Hain

Labon par durud o salaam aa rahe hain keh mehfil mein khaira laanam aa rahe hain

Sajane durudon salaamon ki mehfil Mere Mustafa ke ghulam aa rahe hain

Muqaddar to dekho meri mey kashi ke Nigaahon mein masti ke jaam aa rahe hain

Offline Lyrics Anytime, Anywhere - Download the App Today!

Bashar ek taraf mehfil-e-Mustafa mein Farishtay basad ikhtiraam aa rahe hain

Mujhe un ki qismat par rashk aa raha hai Jinhein haazri ke payam aa rahe hain

Nabi sahn-e Uqsa mein kehte the saare Yahan anbiya ke imam aa rahe hain

Durudon ke tohfe Khuda ki taraf se Mere kamal walay ke naam aa rahe hain

Hai ye bhi karam yaad-e Khairaloriya ka Mujhe yaad woh subah o sham aa rahe hain