Lab Waan Hain Ankhein Band Hain

Lab wa hain, aankhein band hain, phaili hain jholiyan Kitne mazay ki bheek tere paak dar ki hai

More Lyrics, Less Storage - Install the App and Ditch the Screenshots!

Ghaira andheriyon ne duhai hai chaand ki Tanha hoon, kaali raat hai, manzil khatar ki hai

Qismat mein laakh pech hon, sau bal, hazaar kaj Yeh saari gutthi ik teri seedhi nazar ki hai

Aisi bandhi naseeb khule mushkilein khulein Donon jahan mein dhoom tumhari kamar ki hai

Jannat na dein, na dein, teri ru'yat ho khair se Is gul ke aagay kis ko hawas-e-barg-o-bar ki hai

Sharbat na dein, na dein, tu kare baat lutf se Yeh shehad ho to phir kise parwah shakar ki hai

Main khana-zaad-e-kuhna hoon surat likhi hui Bandon, kaneezon mein mere maadar-pidar ki hai

Mangta ka haath uthte hi Daata ki dein thi Doori qabool-o-arz mein bas haath bhar ki hai

Sun ki woh dekh baad-e-shafa'at ke de hawa Yeh aabru Raza tere daaman-e-tar ki hai