Kya Midhah Koi Kar Sakta Hai

کیا مدح کوئی کر سکتا ہے انسان مدینے والے کی تعریف خدا خود کرتا ہے ہرآن مدینے والے کی

انوار کی رخ پہ تابانی جلووں سے مزین پیشانی وہ نورِ مجسم رحمانی کیا شان مدینے والے کی

دن رات فرشتوں کو جھرمٹ رہتا ہے مزارِ اقدس پر آتے ہیں زیارت کی خاطر غلمان مدینے والے کی

وہ خالقِ کل یہ مالکِ کُل ہر چیز ہے اِن کے قبضے میں ہے شاہی دونوں عالم میں سلطان مدینے والے کی

ہے رونقِ عالم ان کے لۓ عقبیٰ بھی سجی ہے ان کیلۓ ہے چیز بنی ہے ان کیلۓ واہ شان مدینے والے کی

Free Up Space - Get Lyrics Without Bulky Screenshots!

کیا صفت ثراغ کرے کوئی ہر صفت سے بالاتر ہیں نبی ﷺ توصیف میں حق نے بھیجا ہے قرآن مدینے والے کی