Kul o Mann Elaiha Faan

Yeh dhaj, yeh roop, yeh bal, kullun alaiha fan٭ Sabhi hain rizq-e-ajal, kullun alaiha fan Main dekh dekh ke hairan hoon kainat ka husn Main soch soch ke shall, kullun alaiha fan Hawa samet-ti phirti hai kal ki kaliyon ko Gulab hon ke kanwal, kullun alaiha fan Yeh dhool phool thi, yeh gard-e-aariz-o-lab thi Yahi hai rasm-e-azal, kullun alaiha fan Yeh chand lamhay toh jee bhar ke jee, keh us ke baad Na tu, na main, na yeh pal, kullun alaiha fan Jo ho sakay toh nichor ek ek aan ka ras Sada yeh phool na phal, kullun alaiha fan Us ek lamhay se aye dil lipat ke ro lay aaj Jo hai woh ho ga na kal, kullun alaiha fan Har ek rishta jis ek pal mein toot jata hai Woh ek pal hai atal, kullun alaiha fan Yeh pech-o-taab-e-tamanna ajab muamma hai Aur us muammay ka hall, kullun alaiha fan Teray guzishta-o-aaindah khaak-e-rahguzar Zameen ko dekh ke chal, kullun alaiha fan Ghareeb-e-shehar ko taskeen hai toh us se hai Saraye ho ke mehal, kullun alaiha fan Yeh sahiban-e-ra'unat, yeh sahiban-e-riya Yeh sahiban-e-dool, kullun alaiha fan Ziya! zamana theharta nahin kisi ke liye Samet khud ko, sambhal, kullun alaiha fan

Get Lyrics On-The-Go! Download Our App Now!

Ziya Jalandhri