Kuch Aesa Kar De

کچھ ایسا کردےمرے کردار آنکھوں میں ہمیشہ نقش رہے روۓ یار آنکھوں میں

انہیں نہ دیکھا توکس کام کی ہیں یہ آنکھیں کہ دیکھنے کی ہے ساری بہار آنکھوں میں

بصر کے ساتھ بصیرت بھی خوب روشن ہو لگاؤں خاک قدم بار بار آنکھوں میں

نظر میں کیسے سمائیں گے پھول جنت کے کہ بس چکے ہیں مدینے کے خار آنکھوں میں

یہ دل تڑپ کے کہیں آنکھوں میں نہ آجاۓ ہے پھر کسی کا جمالِ خمار آنکھوں میں

پیا ہے جامِ محبت جو آپ نے نوری ہمیشہ اِس کا رہے گاخمار آنکھوں میں