Kon Kehta Hai Ke Zeenat Khuld Ki Achi Nahi

Kaun kehta hai ke zeenat-e-khuld ki achi nahi Lekin ae dil furqat-e-koo-e-Nabi achi nahi

Teera-e-dil ko jalwa-e-mah-e-Arab darkaar hai Chaudhween ke chaand teri chandni achi nahi

Us gali se door reh kar kya marein hum kya jiyen Aah aisi maut aisi zindagi achi nahi

More Lyrics, Less Storage - Install the App and Ditch the Screenshots!

Unke dar ki bheek chhorein sarwari ke waaste Un ke dar ki bheek achi sarwari achi nahi

Khaak unke aastaane ki manga de chaara gar Fikr kya haalat agar bimaar ki achi nahi

Baar-e-isyaan ki taraqqi se hua hoon jaan-ba-lab Mujh ko acha kije haalat meri achi nahi

Banda-e-Sarkar ho phir kar Khuda ki bandagi Warna ae bande Khuda ki bandagi achi nahi

Unke dar par maut aa jaye to jee jaaun Hassanؔ Un ke dar se door reh kar zindagi achi nahi