Koh e Faran Pe Khursheed

Koh-e-Faran pe khursheed-e-Ghar-e-Hira, jab hua jalwa-gar dekhte dekhte Partau-e-Noor-e-Haq se darakhshan hua, najm-e-bakht-e-bashar dekhte dekhte

Aarzoo-e-Khalil aaj poori hui, kainat-e-dil-o-rooh noori hui Zindagi jaag uthi, roshni ho gayi, ta-ba-hadd-e-nazar dekhte dekhte

Zeest sehra thi sehra se gulshan hui, shama-e-irfan-o-ayqan ki roshan hui Sar-ba-sar thay jo har baat se be-khabar, ho gaye ba-khabar dekhte dekhte

Rooh-e-insan saqeem aur beemar thi, rehan-e-auham thi, waqf-e-azaar thi Rahmat-e-Haq Ta'ala ko josh aa gaya, mil gaya chara-gar dekhte dekhte

Dekhte dekhte inqalab aa gaya, phool mehke chaman par shabab aa gaya Dhal gaye rind qaus-e-qazah mein sabhi, rang-e-shaam-o-sahar dekhte dekhte

Sharq se gharb tak shor barpa hua, ek Ummi laqab shehr-e-ilm aa gaya Us ke faizan se kam-nazar, be-hunar, ho gaye nukta-war dekhte dekhte

Jis taraf se bhi guzre Shah-e-Hasham, jis ne bhi Sarwar-e-Deen ﷺ ke choome qadam Aasman ho gayi, kehkashan ban gayi, ek ek rah-guzar dekhte dekhte

Wapas aaye to bistar abhi garam tha aur zanjeer-e-dar mein thi junbish abhi Farsh se Arsh tak, Arsh se farsh tak, ho gaya tay safar dekhte dekhte

Jis ko kehte hain sab log shehr-e-Nabi ﷺ, ro-kash-e-khuld hai jis ki ek ek gali Main nahaya hoon ek sail-e-anwar mein, us ke deewar-o-dar dekhte dekhte

Instant Access to Thousands of Lyrics - Tap to Install!

Kamli wale ka Yazdani ehsan hai, ibn-e-Adam pe baran-e-faizan hai Pattharon se bhi badtar jo insan thay, ho gaye woh guhar dekhte dekhte