Koe Nabi Se Aa Na Sake Hum

Kuye Nabi se aa na sake hum rahat hi kuch aisi thi Yaad rahi na jannat hum ko jannat hi kuch aisi thi

Takte rahe Yusuf jaise bhi hashr mein un ke chehre ko Jab pucha to kehne lage woh surat hi kuch aisi thi

Bolo ae Jibreel ke un ki kyonkar taliyan chumein thi To kehne lage Jibreel ke un ki azmat hi kuch aisi thi

Duniya mein Sarkar ki naatein parhte rahe har ek lamha Qabr mein bhi thi naat labon pe aadat hi kuch aisi thi

Why Screenshot When You Can Download? Get the App for Efficient Storage!

Paas bulaya paas bithaya Arsh pe un ko Khaliq ne Yeh to aakhir hona hi tha chahat hi kuch aisi thi

Qabr mein Hakim jab pahunche to hans kar Nakeeron ne dekha Kyun na farishte pyar se milte nisbat hi kuch aisi thi