Kiya Sabz Sabz Gumbad Ka

کیا سَبز سَبز گُنبد کا خُوب ہے نظارہ ہے کس قَدَر سُہانا کیسا ہے پیارا پیارا

انوار یاں چَھما چَھم برسائیں اَبْر پَیْہَم پُرنور سَبْز گُنبد پُرنُور ہر مَنارہ

پیشِ نظر ہو ہر دم بس سبز سبز گنبد دِل میں بَسا رہے بَس جلوہ سَدا تمہارا

سائے میں سَبز گنبد کے توڑنے بھی دو دم چارہ گرو! خُدارا کوئی کرو نہ چارہ

غوثُ الوریٰ کا صدقہ ایسا دے اپنا غم بس روتے ہوئے ہی گُزرے سرکار! وقت سارا

سینہ بنے مدینہ دل میں بسے مدینہ یادوں میں اپنی رکھئے گُم یانبی! خدارا

مت چھوڑئیے مجھے اب دُنیا کی ٹھوکروں پر بَس آپ ہی کے ٹکڑوں پر ہو مِرا گزارہ

سرکار! حُبِّ دُنیا دِل سے مِرے نِکالو دیوانہ اَب بنالو! اپنا مجھے خُدارا

تڑپا کروں سَدا مَیں اے کاش! تیرے غم میں ہائے! مُجھے زمانے کے رَنج و غم نے مارا

گِریہ کُناں ہیں یارب! شوقِ مدینہ میں جو طَیبہ کا کاش! وُہ بھی کرلیں کَبھی نظارہ

رَنج واَلَم کے بَادَل سارے ہی چھٹ گئے ہیں جب بھی تڑپ کے ہم نے سرکار کو پُکارا

ٹھکرا دے جس کو دنیا اُس کو گلے لگانا یہ کام ہے تمہارا یامُصطَفٰے! تمہارا

طَیبہ میں اَب تو مُجھ کو دو گز زمین دیدو کب تک پِھروں میں دَر دَر سرکار مارا مارا

Your Lyrics, Even Offline - Install the App for Free!

دے دو بقیع دے دو،مجھ کو بقیع دے دو کردو سُوال پُورا پیارے نبی خُدارا

ہیں مُصطفٰے مددگار اے دُشمنو خبردار! یہ مت سمجھنا حامی کوئی نہیں ہمارا

ہے دُشمنوں نے گھیر ا لِلّٰہِ کوئی پَھیرا یامُصطفٰے! خُدارا اَب آکے دو سہارا

کردے عَدُو کو غارت،حاسِد کو دے ہِدایت پوری ہو قلبِ مُضطَر کی عرض کِردگارا

ظالِم ڈرا رہے ہیں ، آنکھیں دِکھا رہے ہیں آقا! دو جلد آکر عطّارؔ کو سہارا