Khusravi Achi Lagi Na Sarwari Achi Lagi

Khasravi achi lagi na sarvari achi lagi Hum faqiron ko Madine ki gali achi lagi

Door thay toh zindagi be-rang thi, be-kaif thi Un ke koochay mein gaye toh zindagi achi lagi

Main na jaaunga kahin bhi, dar-e-Nabi ﷺ ko chhor kar Mujh ko ko-e-Mustafa ki chakri achi lagi

Never Be Without Your Favorite Lyrics - Get the App for Offline Access!

Walihana ho gaye jo tere qadmon par nisar Haq Ta'ala ko ada unki bari achi lagi

Naaz kar toh ae Halima sarwar-e-konain ﷺ par Gar lagi achi toh teri jhonpari achi lagi

Rakh diye Sarkar ﷺ ke qadmon pe sultanon ne sar Sarwar-e-kon-o-makan ki saadgi achi lagi

Meher-o-maah ki roshni, mana ke achi hai magar Sabz gumbad ki mujhe toh roshni achi lagi