Khula Hai Sabhi Ke Liye Baab Rehmat

Khula hai sabhi ke liye baab-e-rehmat Wahan koi rutbay mein adna na aali

Muraadon se daaman nahin koi khaali Qataarein lagaye kharay hain sawaali

Main pehlay pehal jab Madinay gaya tha To thi dil ki haalat tarap jaanay waali

Woh darbaar sach much meray saamnay tha Abhi tak tasawwur tha jis ka khayali

More Lyrics, Less Storage - Install the App and Ditch the Screenshots!

Jo ik haath se dil ko thaamay huay tha To thi doosray haath Roda ki jaali

Dua ke liye haath uthtay to kaisay Na yeh haath khaali na woh haath khaali

Dhani apni qismat ka hai to wohi hai Diyar-e-Nabi ﷺ jis ne aankhon se dekha

Muqaddar hai saccha muqaddar usi ka Nigah-e-karam jis pe Aaqa ﷺ ne daali

Main tauseef-e-Sarkar ﷺ kar to raha hoon Magar apni auqaat se ba-khabar hoon

Main bas ek adna sana-khwan hoon un ka Kahan main kahan naat-e-Iqbal-e-Aali