Khula Hai Sabhi Ke Liye Baab Rehmat

کھلا ہے سبھی کے لیے باب رحمت وہاں کوئی رتبے میں ادنیی نہ عالی

مرادوں سے دامن نہیں کوئی خالی قطاریں لگاۓ کھڑے ہیں سوالی

میں پہلے پہل جب مدینے گیا تھا تو تھی دل کی حالت تڑپ جانے والی

وہ دربار سچ مچ میرے سامنے تھا ابھی تک تصور تھا جس کا خیالی

جو اک ہاتھ سے دل کو تھامے ہوۓ تھا تو تھی دوسرے ہاتھ روضہ کی جالی

دعا کے لۓ ہاتھ اٹھتے تو کیسے نہ یہ ہاتھ خالی نہ وہ ہاتھ خالی

دھنی اپنی قسمت کا ہے تو وہی ہے دیار نبی ﷺ جس نےآنکھوں سے دیکھا

مقدر ہے سچا مقدر اسی کا نگاہِ کرم جس پہ آقا ﷺ نے ڈالی

میں توصیف سرکار ﷺ کر تو رہا ہوں مگر اپنی اوقات سے باخبر ہوں

میں بس ایک ادنیٰ ثناء خواں ہوں ان کا کہاں میں کہاں نعتِ اقبالِ عالی