Khuda Ke Baad Sahib

Khuda ke baad Sahib-e-zamanon sab jahanon ka Qabala naam hai jis ke makanon lamakanon ka

Dharakta hai dil-e-bedaar-o-beena jis ke seene mein Jo khazin hai zameenon aasmanon ke khazanon ka

Zubaan har dil ki samjhe woh zubaan-daan-e-hama aalam Lab-e-izhaar saare benavaon, be-zabanon ka

Dareen che shak ke pesh-e-aahang hai woh rehti duniya tak Shoor-o-shauq-o-sarmasti ke saare karwanon ka

Banaya jis ne aasmanon ko afraad ek hi ghar ke Mitaya jis ne sab be-ja tafakhur khandanon ka

Kare khoon-e-jigar se aabyadi kisht-e-viran ki Mizaaj us ko maeeshat ne diya hai baghbanon ka

Diya tauheed ka paigham us ne but-paraston ko Kiya tabdeel rukh us ne dilon ke baadbanon ka

Offline Lyrics Anytime, Anywhere - Download the App Today!

Kheenchein be-sakhta us ki taraf darmanda-o-raanda Hai zaat us ki hisaar-e-aafiyat be-khanmanon ka