Khud Ko Shab e Furqat Main

Khud ko shab-e-furqat mein mushkil se sambhala hai Manzar yeh huzoori ka ab dekhne wala hai

Honton pe duroodon ka mehka hua yeh mausam Hathon mein aqeedat ke jazbaat ki mala hai

Yeh shehr-e-Payambar hai le saans bhi aahista Rahmat ki ghataayein hain anwaar ka haala hai

Stop Wasting Storage - Download Lyrics in Lightweight Text Format!

Aankhein meri jhuk jhuk kar jaali se lipatti hain Kya wajd ka aalam hai kya kaif nirala hai

Auqaat meri kya hai kya naam-o-nasab mera Is dar ka main mangta hoon kya kam yeh hawala hai

Markar bhi pare rehna Sarkar ki chaukhat par Kya khoob ghulami ka mafhoom nikala hai

Muflis hai Riaz Aaqa har ek hawaley se Aagosh-e-masaib mein dukh dard ne pala hai