Khamoshiyon Mein Saleeqe

Khamoshiyon mein saleeqay, sada ke rakhay hain In aansuon mein qareenay dua ke rakhay hain

Why Screenshot When You Can Download? Get the App for Efficient Storage!

Falak ki aankh bhi Taiba ko rashk se dekhay Wahan kisi ne sitaray bicha ke rakhay hain

Woh un ke pyaar ki shabnam se pa rahay hain namoo Jo phool shakh-e-dua par khila ke rakhay hain

Nisar hona hai un ko sunehri jaali par Yeh ashk Aap ﷺ ki khatir bacha ke rakhay hain

Hamesha noor ki barish meray Madinay mein Yahan charagh jo Ghar-e-Hira ke rakhay hain

Amal ka shauq ata ho ke har simt mein Payaam aaj bhi Sall-e-Ala ke rakhay hain

Meray Huzoor ﷺ ki masjid ka sehan, gumbad-e-paak Nazar mein kaisay manazir saja ke rakhay hain