Khak Mujh Main Kamal Rakha Hai

Khak mujh mein kamaal rakha hai Mustafa ne sambhaal rakha hai

Mere aybon pe daal kar pardah Mujh ko achhon mein daal rakha hai

Jo faqiran-e-Shah-e-Batha hain Un ki gudri mein laal rakha hai

Mustafa ki shabih Hasan-o-Husain Naam parday mein Aal rakha hai

Never Be Without Your Favorite Lyrics - Get the App for Offline Access!

Yeh karam hai Huzoor ka Rabb ne Har museebat ko taal rakha hai

Un ki rehmat nahin faqat hum par Ghair ka bhi khayal rakha hai

Tera Aijaz kab ka mar jaata Tere tukron ne paal rakha hai