Khak Mujh Main Kamal Rakha Hai

خاک مجھ میں کمال رکھا ہے مصطفیٰ نے سنبھال رکھا ہے

میرےعیبوں پہ ڈال کر پردہ مجھ کو اچھوں میں ڈال رکھا ہے

جو فقیرانِ شاہ بطحا ہیں ان کی گدڑی میں لعل رکھا ہے

مصطفیٰ کی شبیہ حسن و حسین نام پردے میں آل رکھا ہے

یہ کرم ہے حضور کا رب نے ہر مصیبت کو ٹال رکھا ہے

ان کی رحمت نہیں فقط ہم پر غیر کا بھی خیال رکھا ہے

Why Screenshot When You Can Download? Get the App for Efficient Storage!

تیرا اعجاز کب کا مر جاتا تیرے ٹکڑوں نے پال رکھا ہے