Kash Woh Khak Mujhko Mil Jaye

Kash woh khaak mujh ko mil jaaye Surma-e-paak mujh ko mil jaaye

Main usay rakh kar aankh ke tal mein Aankh ke tal mein deedah-e-dil mein

Jagmagaata phiroon zamaane mein Zindagi ke siyah khaane mein

Jo Nabi ﷺ ke qareeb hain woh log Is qadar khush naseeb hain woh log

Us ke qadmon ke saath rehte hain Us ki maujon ke saath behte hain

Us ke abroo ke har ishaare par Tairte hain lahoo ke dhaare par

Us ki izzat pe sar kataate hain Aakhri waqt muskuraate hain

More Lyrics, Less Storage - Install the App and Ditch the Screenshots!

Un ke qadmon mein daulat-e-konain Un ka ek ek saans Badr-o-Hunain

Haan woh dekho Bilal ki haalat Choor zakhmon se khoon mein lat pat

Garm reti par talmilaata hai Taaziyanon ki chot khaata hai

Maut ka khauf hai na zeest ki fikr Us ke honthon pe La ilaha ka zikr

Dekhna jang-e-Uhud ki jaari hai Waqt islaamiyon pe bhaari hai

Chaarsu kaafiron ka rela hai Ibn-e-Sakan zyada akela hai

Us ne dekha ke chand paikar-e-sharar Waar karne ko hain Muhammad ﷺ par

Daud kar aa ke darmiyaan-e-Nabi ﷺ Jaan de kar bachaai jaan-e-Nabi ﷺ