Kash Woh Khak Mujhko Mil Jaye

کاش وہ خاک مجھ کو مل جاۓ سرمہء پاک مجھ کو مل جاۓ

میں اسے رکھ کر آنکھ کے تل میں آنکھ کے تل میں دیدۃ دل میں

جگمگاتا پھروں زمانے میں زندگی کے سیاہ خانے میں

جو نبیؐ کے قریب ہیں وہ لوگ اس قدر خوش نصیب ہیں وہ لوگ

اس کے قدموں کے ساتھ رہتے ہیں اس کی موجوں کے ساتھ بہتے ہیں

اس کے ابرو کے ہر اشارے پر تیرتے ہیں لہو کے دھارے پر

اس کی عزت پہ سر کٹاتے ہیں آخری وقت مسکراتے ہیں

ان کے قدموں میں دولتِ کونین ان کا ایک ایک سانس بدر و حنین

ہاں وہ دیکھو بلال کی حالت چور زخموں سے خون میں لت پت

گرم ریتی پر تلملاتا ہے تازیانوں کی چوٹ کھاتا ہے

موت کا خوف ہے نہ زیست کی فکر اس کے ہوںٹوں پہ لا الہٰ کا ذکر

Get Lyrics On-The-Go! Download Our App Now!

دیکھنا جنگ احد کی جاری ہے وقت اسلامیوں پہ بھاری ہے

چارسو کافروں کا ریلا ہے ابنِ سکن زیادہ اکیلا ہے

اس نے دیکھا کہ چند پیکرِ شرر وار کرنے کو ہیں محمدؐ پر

دوڑ کر آ کے درمیانِ نبیؐ جان دے کر بچائی جانِ نبیؐ