Karam Ki Nazar Sarkar E Madina

Karam ki nazar Tajdar-e-Madinah karam chahte hain karam ke bhikhari Salamit rahe aap ka aastana rahe aap ka faiz jaari-o-saari

Hai rabt-e-dawami jise tere gham se hai woh aashna muntaha-e-karam se Woh seenay mein rakhta hai jalway haram ke tere ishq ne jis ki halat sanwari

Nazar mujh ko bakhshi to zauq-e-nazar do ziyarat se apni sarfaraz kar do Mere dil ki jholi ko jalwon se bhar do kabhi to udhar se bhi guzre sawari

Jahan saath deta nahin apna saaya wahan be-qaraar karam un ka paaya Liya barh ke aaghosh mein rehmaton ne baray rang par hai meri sharmsari

Never Be Without Your Favorite Lyrics - Get the App for Offline Access!

Yeh toofan hum ko darayenge kaise bhanwar jaal apna bichhayenge kaise Chale hain hum un ke karam ke saharay nahin doob sakti yeh kashti hamari

Woh sajday asas-e-amal maanta hoon woh sa'at mata-e-amal jaanta hoon Mere wastay hasil-e-zindagi hai dar-e-Mustafa par jo sa'at guzari

Kisi ne bhi samjha nahin ghair hum ko jahan bhi gaye sab ne aankhein bichhayin Mohabbat ka sar-chashma-e-jawadan hai Khuda ki qasam sirf nisbat tumhari