Kaafla Aaj Madine Ko Rawana Hoga

Qafila aaj Madine ko rawana hoga Anqareeb apna Madine mein thikana hoga

Lab pe naghmat-e-Muhammad ka tarana hoga Jhoomte jhoomte deewana rawana hoga

Kis qadar zairo! woh waqt suhana hoga Rubaru jab dar-e-Sultan-e-Zamana hoga

Dard-o-aalam ka jab lab pe fasana hoga Abr-e-rehmat ke barasne ka bahana hoga

Nekiyan palle Madine ke musafir ke kahan! Aansuon ka meri jholi mein khazana hoga

Itni betaab na ho aane de Taiba ki gali Rooh-e-muztar tujhe kuch waqt bitana hoga

Find Your Favorite Lyrics Anytime, Anywhere - Install the App Today!

Gunbad-e-Khazra ki jis waqt mein dekhunga bahaar Mujh gunahgar ki bakhshish ka bahana hoga

Jab sawalat, Nakeerain karenge mujh se Lab pe Sarkar ki naaton ka tarana hoga

Hashr mein jab humein Sarkar nazar aayenge Kaisa manzar woh haseen aur suhana hoga

Tujh ko gar rutba-e-aali ki talab hai bhai! Gaur se sun tujhe hasti ko mitana hoga

Un ki dehleez pe sar apna jhuka de bhai! Dekhna sab tere qadmon mein zamana hoga

Bhaiyo! chahiye gar Rabb-e-Muhammad ki raza Khud ko Mehboob ki sunnat pe chalana hoga

Meri Sarkar ke qadmon mein hi InshaAllah Mera Firdous mein Attar thikana hoga

Is baras bhi na Madine mein agar aayi maut Ghar ko rote hue Attar rawana hoga