Kaaba Mere Dil Main Hai Madina Hai Nazar Main

Kaba mere dil mein hai Madinah hai nazar mein Ab kaun si raunaq ki kami hai mere ghar mein

Kate hain shab-o-roz Madinah ke safar mein Main ghar mein hoon aur fikr-o-nazar rah-e-guzar mein

Har gaam pe aankhon se tapak jaate hain sajde Kuch aise maqam aate hain Taibah ke safar mein

Never Be Without Your Favorite Lyrics - Get the App for Offline Access!

Us dar pe duaon ki zaroorat nahin hoti Thoda sa saleeqah ho agar deedah-e-tar mein

Us shahar se suraj bhi guzarta hai muadab Kuch aise maqam aate hain Taibah ke safar mein

Us dar ke Hadi ka kaha bhi toh rahe yaad Ehram hi kaafi nahin Kabeh ke safar mein

Kabeh mein toh beshak koi but na milega Kuch but abhi baqi hain magar zehan-e-bashar mein

Mar jaaun toh Iqbal mujhe khuld ke badle Thodi si zameen chahiye Aaqa ke nagar mein