Kaaba Mere Dil Main Hai Madina Hai Nazar Main

کعبہ میرے دل میں ہے مدینہ ہے نظر میں اب کون سی رونق کی کمی ہے میرے گھر میں

کٹتے ہیں شب و روز مدینے کے سفر میں میں گھر میں ہوں اور فکر ونظرراہ گزر میں

ہر گام پہ آنکھوں سے ٹپک جاتے ہیں سجدے کچھ ایسے مقام آتے ہیں طیبہ کے سفر میں

اُس درپہ دعاؤں کی ضرورت نہیں ہوتی تھوڑا سا سلیقہ ہو اگر دیدہء تر میں

اُس شہر سے سورج بھی گزرتا ہے مودب کچھ ایسے مقام آتے ہیں طیبہ کے سفر میں

اُس در کے ہادی کا کہا بھی تو رہے یاد احرام ہی کافی نہیں کعبے کےسفر میں

کعبے میں تو بے شک کوئی بت نہ ملے گا کچھ بت ابھی باقی ہیں مگر ذہنِ بشر میں

مر جاؤں تو اقبالؔ مجھے خلد کے بدلے تھوڑی سی زمیں چاہیےآقا کے نگر میں