Josh Par Tazkara e Shah

Josh par tadhkira-e-Shah-e-Anam aata hai Chandni phailti hai Mah-e-Tamam aata hai Daur mein Rahmat-e-Ghaffar ka jaam aata hai

Jis jagah Ahmad-e-Mukhtar ka naam aata hai Wahin Jibreel-e-Amin le ke salam aata hai

Baithte uthte zaban par wahi naam aata hai Lutf-e-may aata hai be-sheesha-o-jaam aata hai Lab-e-khamosh ko bhi tarz-e-kalam aata hai

Ishq-e-Khwaja mein ek aisa bhi muqam aata hai Dil dhadakta hai to rahmat ka payam aata hai

Su-e-Taibah hai rawan qafila-e-shauq-o-niyaz Koi hamdam hai na rahbar hai na koi damsaz Har qadam par hai tasawwur mein Hareem-e-Sad-Naaz

Aap ke hukm se be-par ko mili hai parwaz Idhn bakhsha hai to sarkar ghulam aata hai

Hukm-e-La tarfa'u aswat ka pehra hai idhar Ek lamhay ki bhi ghaflat hai yahan gharat-gar Dhadkanein zer-o-zabar hon na unhein qabu kar

Dil-e-betab thahar ae dil-e-betab thahar Ba-adab bash ke Taibah ka muqam aata hai

Kya ta'ajjub hai ke hum jaise kamine pahunchein Jab hamein khud liye rahmat ke safine pahunchein Chand sanson ki hai rukhsat, unhein jeene pahunchein

Ae dil ab waqt hai peeri ka Madine pahunchein Ashiyanay mein parinda sar-e-sham aata hai

Shan-e-Haq ka hua izhar ba-shan-e-Mehboob Aur Quran ne qasam khai ba-jaan-e-Mehboob Ain mansha-e-mashiyat hai bayan-e-Mehboob

No More Screenshots! Save Storage with Our Lyrics App!

Tarjuman-e-dil-e-Yazdan hai zaban-e-Mehboob Wahi ban kar lab-e-Hazrat pe kalam aata hai

Anbiya misl-e-kawakib hain to woh Mah-e-Tamam Awwal-ul-Khalq ka rakhte hain basad fakhr muqam Khatmiyat ka bhi Haq ne unhein bakhsha inaam

Bi'sat-e-Khwaja hui ba'd-e-Rasulan-e-Kiram Safein ho jayen mukammal to Imam aata hai

Qalb-e-muztar ko yahin dekha hai taskin-pazeer Is se manoos rahay jin-o-malak sab ke khameer Tab-e-mushtaq ko bhati hai yahi ek zanjeer

Ek main hi nahi gesu-e-Muhammad ka aseer Ta'ir-e-Sidrah bhi ud kar tah-e-daam aata hai

Un ki rahmat ke nishan Arsh-e-Ula farsh-e-zameen Aam hai un ka karam sab pe, rahay koi kahin Faiz-yab un se hai Fazil yeh mera harf-e-yaqeen

Rumi-o-Jami-o-Sa'di hi pe mauquf nahin Un ke maddahon mein Mazhar ka bhi naam aata hai