Jo Kisi Ata Ne Khata Ke

Jo kisi ata ne khata ke daagh tamam umr ke dho diye To Qateel shukr ne josh-e-ashk se shash-jihat bhigo diye

Chale qaafile liye aablay, barhay hoslay ghatay faaslay Woh naseeb waalay thay waqt ne jinhein din yeh dekhne ko diye

Thein azeez-e-jaan se jo manzilein to azeez-tar rahein mushkilein Ke unhein se nazm-e-hayat ko naye azm dene thay so diye

Kabhi justuju kabhi guftugu kabhi ko-ba-ko kabhi rubaru Woh hazaar shauq ke rang thay jo kisi ne jaan mein samo diye

Kabhi dekhna, kabhi be-panna, kabhi maangna, kabhi sochna Kabhi zabt-e-haal mein kho gaye kabhi fart-e-shauq se ro diye

Woh dar-e-karam, woh rah-e-ne'am, woh shab-e-haram woh vufur-e-nam Jo mata-e-fikr thay waqt ne wahi khwab aankh mein bo diye

Get Lyrics On-The-Go! Download Our App Now!

Wahi be-kali, wahi tishnagi, wahi be-basi, wahi khastagi Jo nikal chuke thay mo'tabar wahi mere wujud ne kho diye

Yeh ayan hai Asif-e-natwan, tere dil mein dard hai ik nihan Tu ajab hai kya ho huroof-e-lab sabhi khoon-e-dil mein dabo diye