Jo Dil Ko Chain De

Jo dil ko chain de woh kasak chahta hoon main Ae ishq! teri ek jhalak chahta hoon main

Loon naam-e-Mustafa ﷺ toh khilein chaahaton ke phool Saanson mein zindagi ki mehak chahta hoon main

Itna jhukoon ke choom loon khaak-e-dar-e-Habib ﷺ Khud ko buland taaba-e-falak chahta hoon main

Woh is liye ke juzv-e-nazar ho kisi ki yaad Milti hui palak se palak chahta hoon main

Instant Access to Thousands of Lyrics - Tap to Install!

Jis mein har ek rang ho ishq-e-Rasool ﷺ ka Dil par tani hui woh dhanak chahta hoon main

Chaya hua hai rooh pe ek sarmadi suroor Is kaifiyat ko qabr talak chahta hoon main

Khaali sahi Qateel, mera saaghar-e-amal Ishq-e-Nabi ﷺ ki is mein khatak chahta hoon main