Jo Dar e Shah e deen

Jo dar-e-Shah-e-Deen se milta hai Woh sukoon kab kahin se milta hai

Why Screenshot When You Can Download? Get the App for Efficient Storage!

Koi bhi justuju ho koi lagan Zauq-e-manzil wahin se milta hai

Aap ki shan-e-husn kya kehna Husn, husn-e-aafreen se milta hai

Hum gada-e-dar-e-Muhammad ﷺ hain Hum ko sab kuch yahin se milta hai

Allah Allah woh Raud-e-pur-noor Har ujala wahin se milta hai

Wad-Duha ho zaban pe ya Wash-Shams Husn-e-ma'ni unhin se milta hai

Kya kahein kis qadar sukoon mahshar Zikr-e-Sultan-e-Deen se milta hai