Jism e Geeti Main Hararat Toh Usi Naam Se Hai

جسم گیتی میں حرارت تو اسی نام سے ہے "نبضِ ہستی تپش آمادہ اسی نام سے ہے"

بار بار اُن کا بلانا ہے سراسر رحمت یہ تسلسل مرےآقا ہی کےانعام سےہے

صبح تک سرنہ، حضوری سے اٹھے گا میرا تیز ہوتی ہوئی دھڑکن یہ سرِ شام سے ہے

وہ حرا سے جو ہےنکلا تو جہاں پر چھایا ربَّ کعبہ کو محبت اسی پیغام سے ہے

Download Lyrics & Access Offline - Install Our App Now!

گنبدِ خضریٰ کےساۓ میں نوافل عزمیؔ یہ عنایت یکے از خوبی ایام سے ہے

منہاج یونیورسٹی لاہور میں ہونےوالےطرحی نعتیہ مشاعرہ کیلۓ، علامہ اقبالؒ کےمصرعہ طرح پر لکھی گئی