Jis Ne Nabi Ki Yaad Ko Dil Main Basa Liya

Jis ne Nabi ﷺ ki yaad mein dil ko basa liya Haqeeqat mein us ne apna muqaddar jaga liya

Dono jahan ki ne'matein hasil huin usay Jis ne Rasool-e-Pak ﷺ ki shafqat ko pa liya

Zikr-e-Nabi ﷺ mein jis ki bhi guzri hai zindagi Bakhshish ne Rabb ki us ko gale se laga liya

Get Lyrics On-The-Go! Download Our App Now!

Ghabra raha tha apne gunahon se hashr mein Daaman mein Madani Aaqa ﷺ ne apne chhupa liya

Chhoota kabhi na chhootega daaman-e-Mustafa ﷺ Go laakh baar tu ne falak aazma liya

Sab ranj-o-gham hon door sukoon-e-qalb mile Jis ne Madine wale ﷺ ki nisbat ko pa liya

Kashti phansi hui thi bhanwar mein nikal gayi Rabb ke Habib-e-Pak ﷺ ka jab aasra liya

Hota wahi qareeb hai Allah ke ae Chiraghؔ Jis ne charagh-e-ishq-e-Muhammad ﷺ jala liya