Jis Ne Nabi Ki Yaad Ko Dil Main Basa Liya

جس نے نبی ﷺ کی یاد میں دل کو بسا لیا حقیقت میں اس نے اپنا مقدر جگا لیا

No More Screenshots! Save Storage with Our Lyrics App!

دونوں جہاں کی نعمتیں حاصل ہوئیں اُسے جس نےرسول پاک ﷺ کی شفقت کو پا لیا

ذکر نبی ﷺ میں جس کی بھی گزری ہے زندگی بخشش نے رب کی اس کو گلے سے لگا لیا

گھبرا رہا تھا اپنے گناہوں سے حشر میں دامن میں مدنی آقا ﷺ نےاپنے چھپا لیا

چُھوٹا کبھی نہ چُھوٹے گا دامان مصطفیٰ ﷺ گو لاکھ بار تُو نے فلک آزما لیا

سب رنج وغم ہوں دور سکون قلب ملے جس نے مدینے والے ﷺ کی نسبت کو پالیا

کشتی پھنسی ہوئی تھی بھنور میں نکل گئی رب کے حبیب پاک ﷺ کا جب آسرا لیا

ہوتا وہی قریب ہے اللہ کے اے چراغؔ جس نے چراغ عشقِ محمد ﷺ جلا لیا