Jalwa e Yaar Idhar Bhi

Jalwa-e-yaar idhar bhi koi phera tera Hasratein aath pehar takti hain rasta tera

Kis ke daaman mein chhupe kis ke qadam par loote Tera sag jaaye kahan chhod ke tukda tera

Nek achhe hain ke a'maal hain un ke achhe Hum bado'n ke liye kaafi hai bharosa tera

More Lyrics, Less Storage - Install the App and Ditch the Screenshots!

Khaar-e-sehra-e-Nabi paaon se kya kaam tujhe Aa meri jaan mere dil mein hai rasta tera

Haaye phir khanda-e-beja mere lab par aaya Haaye phir bhool gaya raaton ka rona tera

Sozan-e-gumshuda milti hai tabassum se tere Shaam ko subah banata hai ujaala tera

Ae Madine ki hawa dil mera afsurda hai Sookhi kaliyon ko khila jaata hai jhonka tera