Jalwa e Yaar Idhar Bhi

جلوۂ یار اِدھر بھی کوئی پھیرا تیرا حسرتیں آٹھ پہر تکتی ہیں رَستہ تیرا

کس کے دامن میں چھپے کس کے قدم پر لوٹے تیرا سگ جائے کہاں چھوڑ کے ٹکڑا تیرا

نیک اچھے ہیں کہ اَعمال ہیں ان کے اچھے ہم بدوں کے لئے کافی ہے بھروسا تیرا

Find Your Favorite Lyrics Anytime, Anywhere - Install the App Today!

خارِ صحرائے نبی پاؤں سے کیا کام تجھے آ مِری جان مِرے دل میں ہے رستہ تیرا

ہائے پھر خندۂ بے جا مِرے لب پر آیا ہائے پھر بھول گیا راتوں کا رونا تیرا

سوزنِ گمشدہ ملتی ہے تبسم سے تِرے شام کو صبح بناتا ہے اُجالا تیرا

اے مدینے کی ہوا دِل مِرا اَفسردہ ہے سوکھی کلیوں کو کھلا جاتا ہے جھونکا تیرا