Jahan Paiwand e Zulmat Ban Gaye

Jahan paiwand-e-zulmat ban gaye rozan makanon ke Wahin khole gaye saare dariche aasmanon ke

Ek andhi raat thi jo rait par lehrein banati thi Aur un mein jazb ho jaate the naghme sarbanon ke

Saraye dahr mein mehman the sadiyon ke sanate Tumhara naam le kar karwan utre azanon ke

Tumhari rahguzar mein koi jitni door jaata hai Usi nisbat se dil par bhed khulte hain jahanon ke

Mukhalif simt jayen to safine toot jaate hain Madine ki taraf rukh phir rahe hain baadbanon ke

Your Lyrics, Even Offline - Install the App for Free!

Kitab-e-zindagi rakhte hain taab-e-zindagi kam hai Naye kirdar hain hum log agli dastaanon ke