Jahan Main Sab Se Uncha Hai Mere Sarkar Ka Jhanda

Jahan mein sab se ooncha hai mere Sarkar ka jhanda Ke sab jhandon mein aali hai mere Sarkar ka jhanda

Download Lyrics & Access Offline - Install Our App Now!

Faraz-e-arsh par bhi ud raha hai shaan-o-shaukat se Khuda ne khud udaya hai mere Sarkar ka jhanda

Utar kar arsh se Jibreel ne Kaabe ki rif'at par Rabi ke din lagaya hai mere Sarkar ka jhanda

Khabar is baat ki ae munkiro shayad nahi tum ko Sar-e-mahshar sahara hai mere Sarkar ka jhanda

Qasam Allah ki woh shakhs hai Sarkar ka aashiq Ke jis ne bhi sajaya hai mere Sarkar ka jhanda

Bachaye ga baroz-e-mahshar woh ummat ko garmi se Karam ka aisa saaya hai mere Sarkar ka jhanda

Azal se is ki azmat par tasadduq hoon main ae Abid Mujhe kuch aisa bhaya hai mere Sarkar ka jhanda