Jab Woh Dil Ke Qareeb

Jab woh dil ke qareeb hote hain Woh bhi aalam-e-ajeeb hote hain

Faizyaab un ke aastaane se Kaise kaise gareeb hote hain

Jo Habeeb-e-Khuda ke ho jaayen Woh Khuda ke habeeb hote hain

Jin ko hoti hai un ki deed naseeb Un ke kaise naseeb hote hain

Door reh kar bhi un ke deewane Un se kitne qareeb hote hain

Download Lyrics & Access Offline - Install Our App Now!

Un mareezon ka poochna kya hai Jin ke woh khud tabeeb hote hain

Khush naseebi adab sikhati hai Be-adab bad-naseeb hote hain

Aye Munawwar gareeb us dar ke Naam hi ke gareeb hote hain