Jab Tasawur Main Kabhi

Jab tasawwur mein kabhi shehr-e-Madinah aaya Dil ke aangan mein bahaaron ka mahina aaya

Mil gayi jis ko gadai dar-e-aqdas ki Us ke hathon mein do-aalam ka khazina aaya

Bahr-e-mawwoj se bas ism-e-Muhammad ke tufail Bach ke girdab se, sahil pe safina aaya

More Lyrics, Less Storage - Install the App and Ditch the Screenshots!

Jab kabhi apne gunahon pe zara ghor kiya Mujh ko ehsas-e-nadamat se pasina aaya

Meri janib bhi tasarruf ki nazar ho jaye Aas le kar dar-e-aqdas pe kamina aaya

Aap ke dars-e-sadaqat ki badaulat Arif Ahl-e-dunya ko hai jeene ka qarina aaya