Jab Liya Naam e Nabi

Jab liya naam-e-Nabi ﷺ main ne dua se pehle Meri aawaz wahan pahunchi saba se pehle

Koi aagah na tha shaan-e-Khuda se pehle Jalwa-e-be-rang tha ik jalwa-numa se pehle

Kar na manzil ki talab, rahnuma se pehle Zikr-e-Mehboob ﷺ suna zikr-e-Khuda se pehle

Free Up Space - Get Lyrics Without Bulky Screenshots!

Hashr ke din yeh kahoon ga main Khuda se pehle Shakl-e-Mehboob dikha apni liqa se pehle

Be-wazu ishq ke mazhab mein ibadat hai haram Khoob roo leta hoon Khwaja ﷺ ki sana se pehle

Tere irfan pe mauqoof hai irfan-e-Khuda Ke tera naam suna hum ne Khuda se pehle

Haram aakhir mujhe Aaqa ﷺ ki ziyarat hogi Ek din aayen ge Sarkar ﷺ qaza se pehle

Haq se karta hoon dua parh ke Muhammad ﷺ pe durood Yeh waseela bhi zaroori hai dua se pehle

Hum ne bhi us dar-e-aqdas pe jamai hai nazar Jis jagah mangton ko milta hai sada se pehle

Naat mein kaif-o-asar ki hai talab toh Mazhar Maang le soz dar-e-Shah-e-Huda ﷺ se pehle