Idhar Hazaroun Nabi o Mursal Udhar Woh Tanha Khary Hue Hain

Idhar hazaron Nabi o Mursal idhar woh tanhakhaṛe huye hain Hamare Aaqa toh apne rutbe mein sab se aage baṛhe huye hain

Karim Aaqa ke ek ṭukṛe ne paal rakhi hai saari duniya Tabhi toh shah o gadā tamami unhi ke dar par khaṛe huye hain

Hamare daman mein kuchh nahi hai jo he toh Aaqa hai ishq tera Isi liye toh faqeer tere teri gali mein paṛe huye hain

Why Screenshot When You Can Download? Get the App for Efficient Storage!

Koi toh bole jise Khuda ne nahi diya hai Nabi ka sadqa Hamare bachche toh Mustafa ke hi ṭukṛe khakar baṛe huye hain

Ali ke ghar ki na pucho azmat yeh ghar anokha hai sab se Nasirؔ Nabi ki Zehra ke dar pe Qudsi bhi sar jhukaye khaṛe huye hain