Idhar Bhi Nazar Sheharyar e Madina

ادھر بھی نظر شہریارِ مدینہ پڑا ہوں سرِ رہگزارِ مدینہ

تجّلی کے مشتاق ہیں دونوں عالم اٹھا پردہ اے پردہ دارِ مدینہ

کہاں باغِ جنت کی ٹھنڈی ہوائیں کہاں روح پرور بہارِ مدینہ

مِرا سُرمۃ چشم ہے خاکِ یثرب مرا غازۃ رُخ غبارِ مدینہ

ہے نسبت خدا کو بھی شہرِ نبیؐ سے ہے جبریلؑ بھی جاں نثارِ مدینہ

خیالوں میں ہیں شہرِ طیبہ کے جلوے نظر میں ہے رنگِ بہارِ مدینہ

گداۓ درِ میر و سلطاں نہیں ہے گداۓ درِ شہر یارِ مدینہ

وہی ذات ہے افتخارِ دو عالم وہی ذات ہے افتخارِ مدینہ

اُنہی سے فروزاں ہوا گھر خدا کا اُنہی سے ہے قائم وقارِ مدینہ

بجز شاہِؐ دیں اور کوئی نہیں ہے نگارِ دوعالم' نگارِ مدینہ

More Lyrics, Less Storage - Install the App and Ditch the Screenshots!

دل افروز ہیں سنگریزے احد کے زھے گوھرِ ثنا ہوا مدینہ