Huzoor e Aqdas Zamane Bhar Se

Huzoor-e-Aqdas zamane bhar se gaye the jo teergi mita kar Usi bhayanak fiza mein phir ruk gaya hai yeh karwan aakar

Yeh zar ke bande tere dafeenon pe naag ban kar date hue hain Woh khudkushi kar rahe hain muflis hayat ka aasra na pakar

Ghareeb aur benawa ke ae dastgeer andher ho raha hai Ke fakhr karte hain tere dars-e-amal ki yeh dhajjiyan uda kar

Mazaq udate hain, jo ukhuwwat ka naam bhi aaj le raha ho Yeh apni aghraz ke liye bechte hain Islam ko chhupa kar

Jo naam le haq ka uski gardan mein kufr ka tauq bandhte hain Jo raasti par chale use chhodte hain murgh-e-qafas bana kar

Usi ta'addi ke rokne ko jahan mein baisat hui thi teri Usi tarah loot-te hain phir muflison ko sarmayadar aakar

No More Screenshots! Save Storage with Our Lyrics App!

Main kuch hoon tera hi naam lewa hoon meri gardan na jhuk sake gi Main tere dars-e-hayat ka saath doon ga har cheez ko luta kar