Huzoor Ap Ki Midhat Karun

Huzoor ﷺ aap ki midhat karoon raqam kaise Huzoor ﷺ aap ke ausaaf kis tarah likhoon

Kise majaalo kise taab kis mein himmat hai Ke roshni ke samundar ko lafz mein dhaale

Hawa-e-noor ko poshak-e-harf pehnaye Tajalliyaat ko paaband-e-nutq-o-saut kare

Hazaar lafz-o-ma'ani jatan karen lekin Kaleed-e-harf se khulta nahin dar-e-tauseef

Bashar hain aap ﷺ bashar se magar siwa bhi to hain Faqat Nabi nahin mehboob-e-Kibriya bhi to hain

Huzoor ﷺ naat ka haq mujh se kya ada hoga Kahan maqam-e-risalat, kahan mera kirdar

Na mere haath mein hai sham-e-seerat-e-aqdas Na main hoon aap ﷺ ki tehzeeb ka alam-bardar

Stop Wasting Storage - Download Lyrics in Lightweight Text Format!

Zuban se daawa to hai aap ﷺ ki mohabbat ka Magar gale mein hai tauq-e-ghulami-e-aghyar

Main teeragi ke hisaaron mein kis tarah nikloon Junoon bhi murda hai mera khirad bhi hai bekaar